ZORAM TODAY| Aizawl 5th June, 2024 (Wed): Lok Sabha Inthlanpui, 2024 a Mizoram Parliamentary Constituency atana Returning Officer Nazuk Kumar, IAS, Aizawl DC ni bawk chuan inthlanpui neih zawh takah a hnuai ami ang hian lawmthu sawina thu a chhuah thu vawiina Sorkar thuchhuah chuan a tarlang.

Nazuk Kumar chuan, "Election Commission of India in General Election to Lok Sabha, 2024 inthlanpui neih hun tur a rawn puan atanga inthlanna tluang tak leh hlawhtling taka neih a nih theih nana hmalatu tam tak te chungah lawmthu ka sawi a. Chief Electoral Office in min kaihhruaina te, District dang Deputy Commissioners/ ARO te leh Aizawl District-a Asst. Returning Officers tha tak tak te min tawiawmna hlu tak avangin an chungah lawmthu ka sawi a, team hrang hranga Nodal Officers te, Assembly Segment tina Officers-in-Charge te leh Master Trainers te, Sector Officers te leh Election Officers zawng zawng te bakah Aizawl DC Office staff zawng zawng te chungah min tawiawmna tha tak avangin lawmthu ka sawi a ni," a ti a.

"Tin, Polling Officials te leh Counting Officials zawng zawngte, Department hrang hrang I&PR, PHE, P&E, Civil Hospital Medical Superintendent te leh Fire & Emergency Services Department, Aizawl District SP leh SP Traffic te, dan leh thupek kenkawh chungchanga min thawhpuina ah ka lawm em em bawk a ni," a ti bawk.

"Inthlan kan neih hun chhunga office dang leh department hrang hrang atanga staff min rawn pui tute hnenah pawh lawmthu ka sawi e," tiin a tarlang.